ديوان الشاعر / جزاء صالح الحربي

	تعريف بالشاعر / هو الشاعر جزاء صالح سند الحنتمي الحربي وإليكم أول قصائده أمس الضحى في عالي الرجم عديت=وفيضت في راسه عبايـر خفوقـي وقعدت لين ادلولس الليـل ومسيـت=وحولـت منّـه ناشفـات عروقـي ورديت من بكـره عليـه وتعليـت=وقعدت حتى شفت شمس الشروقي أشرف على دار بها العـام مريـت=واليـوم ماكنـه سكنهـا مخلوقـي خليان ماكن ابتنـى بارضهـا بيـت=بس الفجـوج الخاليـه والطروقـي وحتى من الأوناس ماشفت ماريـت=ماغير رسـم باقـي لـه رموقـي بـس الشنـون محذفـات تشاتيـت=شنونن على الديران مثـل البهوقـي وشفنا الرسوم اللي عليهن تشافيـت=رسوم عليها القلـب منـي شفوقـي رسوم عليها من ازرق الدمع هليـت=دمع تحدر فـوق خـدي صفوقـي ليا شفت مدهال الرجـال الزناتيـت=تقول قلبي ينمـزع مـن عروقـي رجال مرابعهـم تهيظـك لاجيـت=ومرباعهم بيـن الجلـد والعروقـي ونجورهم للضيف ترسل تصاويـت=وضيانهـم بالليـل مثـل البروقـي رجال عليهـم مـن قديـم تربيـت=وفارقتهـم والقلـب منـي يتوقـي وابديت مافي داخل القلب وافضيـت=وانساق من عمق الهواجيس سوقـي وابكي عليهم كل ماصبحت وامسيت=وشكواي لله عالـم الشـان فوقـي وشعاد لـو انـي بكيـت وتمنيـت=ياما بكى قلبـي جزينـن عشوقـي وقلبي بكى حي علي غالـي ميـت=والدمع عقّب في ضميـره عشوقـي وياما بكى رجـل عليـه التثابيـت=قبل الوقايـع هـل دمـع حقوقـي ولو لمني بعض الخبول السرابيـت=اهـل النفـاق مشدقيـن الحلوقـي بذني صقه عن حكيهـم ماتوحيـت=ولا احـب نـاس لسرايـر تبوقـي وان قالو العذال وش فيك ماابديـت=ماني على اسـرار الاوادم نطوقـي امشي مع العـام علـى ماتوريـت=اعطي حقوق الناس واخذ حقوقـي

	ويقول جزاء ايضا بالحكم. رفيقـك اللـي مايقـدر مواقـفـك=ترى ربيـع القلـب بعـده وفرقـاه لياصـر لارجلـن مقامـه شرفـك=ولاطيبـن تقـدر تحمـل خطـايـاه أحرص على فرقاه لومـن طوايفـك=لياصار ماتقوى على شيـل عوجـاه لياصـار دايـم بالمواقـف يخالفـك=ويفرض عليك الراي من غير ترظاه منـت أولدلـه يستهينـك ويعسفـك=ولاوالدن ودك على مكسب أرضـاه ولولا لزومـه بـول العـام عايفـك=ولوشاف طيبك عقب يوميـن ينسـاه وأن قلت له مخطي فظحك ابمعارفك=وليا تجاوزت الخطا عنـه ماارظـاه وليا سكت وشمت يجـرح عواطفـك=وضحوك في وجهك وسودن خفايـاه وأن قمت مايسوى هبايب عواصفـك=وإن شلتله عرقا على الكبـد عرقـاه وان جيت له محتاج ماتقـل يعرفـك=ويعطيك مع بيض المعاذيـر علبـاه لياصار عنـد اللازمـه مايساعفـك=وقت الرخا ماانته بعـازت حمايـاه لاتشتـكـي عـنـده يكبرسوالـفـك=فرقاه تغني عـن مسـرات جـدواه وحـاذور عنـه لايسـود صحايفـك=ولاتقربـه مـادام تعـرف نـوايـاه وبعدك عنه فـي ديرتـن مايشاوفـك=أخيرمـن قربـه وشوفـه ولامــاه وموتـك بعـزك جنتـن ماتكلـفـك=ولاحاجتـن عنـد المنـون وترجـاه وموت الكرامه عن جنابـه أتشرفـك=ولامنتـه عسـى نواعـيـه تنـعـاه ومن يجهلك في منطق العرف ياصفك=وعرف الفتى تنبيـك عنـه مزايـاه وترى الرفيق اللي بهمـك يناصفـك=ويفزع ليا شاف الخلل فيـك يرفـاه ودايم صـدوق وبالحمـوه يلاطفـك=ويقوم في واجبك مـن قبـل تنخـاه رجلن على كل المواجيـب عارفـك=ودايم طوارق الشرف ساس ممشـاه وان حلت الرفقه يشيـد أبوصايفـك=ماكنـك الا واحـدن مـن دنـايـاه لياجا مجالك جـاب عنـك طرايفـك=ولياذكـرك بجملـة الخيـر مبـداه

	من حس في نقص نفسه عاتب أحبابه=ويعاتب الناس والنقصان فـي ذاتـه ولو الخطا واضحن ماحسب أحسابـه=مايشوف كبر الخطا من كبر شرهاته واللي يتميـدح بروحـه لاتعزوابـه=لوقال أنا الزير لاتغـرك شجاعاتـه أتـرك شجـاع العوافـي لاتهقوابـه=لياصار ماصار يزبـن عنـد عماتـه نزه جنابك عنه وبعـد عـن أترابـه=وياعل خيـره يـلادي عنـك سياتـه ترا حلات الفتى مايشمـت أصحابـه=ويبعد عن اللي يضره فـي شكلاتـه واللي حكابـك تـرا لابـد يحكابـه=لاكن تبعد عنـه مـن قبـل عرفاتـه وشرهات رجلن تجيك بغصب وطلابه=شرهه بلا عقـل ماحاجـه لكسباتـه واللي بغيبات ربعـه يفتـل أشنابـه=لو قال أنا أغليـك لاتفـرح بجياتـه والرجل بالعقل يقدر يملـك أعصابـه=ويشوف درب السنع من قبل غدياتـه حيث الرجل عند وقت الضيق يلجابه=ويفرح لياجيـت ويسـرك بقوماتـه لاشك بعـض الأوادم خبـل وقلابـه=وليا نصحتـه بـلاك بكـل بلشاتـه وان قلت مخطي عليك يشيل مصلابه=وان قلت هونت قامت معـه شلاتـه وخبل العرب لوحشمت النفس تبلابه=يبـلاك والنـاس ماتـدري بغاياتـه وعليك في مايقولـه يفتـح اجرابـه=ويوهق النـاس يمـك فـي حيالاتـه ويااللي لعبـت المثايـل فيـه لعابـه=وتحلل الحرف كان أهملـت ظماتـه ولاهم بمثلك على الأجـواد نصابـه=يوم أنت تفرح على المسلـم بغيباتـه والحقت مشقاص نارك وأنت شبابـه=ولاتامن النار تسعـر فيـك شعلاتـه والشعر لولاه يحكمني علـى أدابـه=والله لرسم علـى التاريـخ بصماتـه لغوص بحره ويمـك لفتـح أبوابـه=لماتـذوق المـراره عقـب أهاناتـه لبين اللـي خفـا واحـرك أسبابـه=حتى تعوذ عقـب تكويـك جمراتـه لاشك أباأنصحك وافهم مني الجابـه=ماكل من زل ترفـى عنـه خملاتـه لاكن تجنب طريثـن يقرصـك دابـه=وابعد عن الداب وشجرتـه وغاباتـه ولاحسبنـك بتقديـرك ملـك غابـه=ترا الملك من ملك عقلـه وشيماتـه ومـن لايقـدر جنـابـك لاتبـلابـه=وعززجنابك عـن الخايـب ومناتـه تراه وان جا مجالـك قـال طبنابـه=لومافعل شي ميـر الكـذب سهماتـه ورزق الفتى هنـد خلاقـه وجيابـه=ولكن عطاه الولي فـي قـدر نياتـه والرجل يعرف مع الاقصين واقرابـه=يعرف بطبعه وطيبـه مـن جبلاتـه والحريشبـع بمنقـوره ومخـلابـه=ومن طبّع الحِريعـرف كـل ميزاتـه ولوكان نزرن يفج القلـب مظرابـه=وتشوف نثر الحمر مـن قوضرباتـه والتبع محدن لقى مـن فودتـه ثابـه=ولاتعجب النفـس هداتـه وصيداتـه والناس بحقوقهـم صعبيـن وذيابـه=وكلن بحقـه يدافـع عـن كراماتـه ويروح حقـن وراه أفـزوع طلابـه=ولابد من عال ترمـي فيـه عثراتـه وترا الفلك كـان يمـك دار لولابـه=ماينفعك مـن بعثلـك فـي مواساتـه وصلوا على اللي بعث بالدين بكتابـه=وعسـى المسلميـن تباعـن لسناتـه

	والله يالولا الصبر والامل والظن=بالله يبـدل سيـتـي بحسنـاتـي ودلال رسلان بها الهيـل والبـن=تحوفهـن يمنـاي ومكرمـاتـي من حبهـن ليـه تقـول يتحاكـن=ومن حبهن عندي تطول سهراتي لياادبح بهيم الليل وهجوسنا جـن=فنجالهـن يبـرد لهيـب نهتاتـي لاون ونة من بعود القنـا طعـن=بمشيشل من كـف شبـل زناتـي واني لاشرّح مقدم الثوب وانجـن=وقدام خلق الله لافجـر سكاتـي على رجـال يـوم فيهـا اتفطـن=لابصرت فيهم عفت تالي حياتـي لهم وقار داخـل القلـب يسكـن=والصبر عنهم صار من معجزاتي اقفوا وخلوني وانا صغير السـن=واخذت منهم طيبـات الصفاتـي ومن قال للموروث علـم يسكّـن=مافادني بيض الـورق والدواتـي اجهش فوادي والعيـون يتباكـن=وهليت من دمعي غزير عبراتـي وليا صفا راسي وقلبـي تطمـن=قلت المقافي مايجـن راحعاتـي وانـا ادري ان ايامهـم مايـردن=هيهات ترجع ماضـي المقفياتـي ولولاي ازور ديارهـم واتوطـن=واشرف عليهم بطايـل النايفاتـي واشـم ريـح ديارهـم واتفطـن=وادله واعيش بماضي الذكرياتـي لاشك عبثـات الليالـي يصيبـن=ويخلن الرجـال فكـره شتاتـي وقبل امس جات اخبارهن مايسرن=اخبـار فيهـا طابـع المفجعـات غديت مثل اللي خطف عقله الجن=واصبح يهوبي مع هوى الذارياتي علـى رفيـق بالوفـا مايتهـاون=صنديد ماهو من رجال الشماتـي وسيف من الفولاذ ماهوب معـدن=من ابتع خيار سيوفنا المرهفاتـي سبيـل بـن سنـد ليالـه تقافـن=واضيقتي مـن غيبتـه وافجاتـي وش عاد لو قلبي تكـدر وحـزن=حكم المنايـا بالبشـر صايباتـي سنة عزيز الشان والله لهـا سـن=من جاه يومه مابقى لـه حياتـي كد قالها صالح وانا اقول صابـن=سر الامور اسبابهـا المحدثاتـي والادمي لو فيـه الايـام طالـن=لابد ماتركـز عليـه الحصاتـي ولو كان من يبكي دموعه يفيـدن=ياما بكينـا مطوعيـن العصاتـي فهود الزراج مطوعة كـل مفتـن=الى جا نهار فيه مثـل الجناتـي الى جت كراديس السبايا ولحقـن=ولحقوا عليهـن ميتميـن البناتـي بيدينهـم شلـف وطـرم تلظـن=صنعن من الفـولاذ ومشرفاتـي ليا وردوهن لاحمر الموت شربن=وان صدرن جن غيرهن وراداتي وشعارهـم وفعولهـم مايـهـزن=وتاريخ وفعـول عليهـا الثباتـي وشعر بليا افعال وامجـاد يمهـن=مافيه لاحكمـة ولابـه حلاتـي

الرجاء من الاخوة الافاضل عدم الرد على هذا الموضوع إلا لمن اراد إضافة قصيدة لهاذا الشاعر

ولكم مني خالص التحية والتقدير

يا عل عينٍ ما بكت فرقا الاضعـان=تعطي النويفـج ليـن تذبـل ذبليـا
ليا شدوا العربان من عقب مقطـان=والصبح منهم جانـب العـد خليـا
وتفرقوا مـن نقـرة العـد سلفـان=أحدٍ رحـل جنـوب و احـدٍ شمليـا
وقفوا وراحوا مع وسيعات الاوطان=وكلٍ على سفن الصحـاري رحليـا
عليهم الخافـق تقـل فيـه نيـران=وتصلاه غمزات الهواجيـس صليـا
وبكت عيوني مثل همـال الامـزان=مـزنٍٍ تحـدر مـن مناشيـه مليـا
على اللذي له داخل القلب مسكـان=وعليه ما اسمع عاذلي لـو عذليـا
عين الفريد اللـي مرابيـه فيحـان=الريح لاعـه و استـذار و جفليـا
وسمع الحساس وشاف بالعين زيلان=واستاكده بيـن الوعـر والسهليـا
شدوا وانا من شدة البـدو زعـلان=ولا من وساطه بين اهلهـا واهليـا
وجيته وانا في وقتها كنت مرضـان=مـن شـدة العربـان فيّـه زعليـا
قلت السلام وغادي الفكـر شتـان=واللي بغيت بخاطـري مـا حصليـا
وانا عليه بسلـم الاحبـاب شفقـان=ومن غير مشروهي فلالـي دخليـا
طافت مشاريهي وانا كنت شرهـان=سنـه صغيـر وغاطـسٍ بالجهليـا
وقلت الوداع وغاديٍ وجهه ألـوان=متخالـطٍ فيـه الخجـل والزعلـيـا
وذقت الفراق اللي مشاريبه احـزان=وانحـل بحالـي والمحانـي هزليـا
كني كسيـرٍ شملـه ريـح ريحـان=نوبٍ يفيق و نـوب يذهـل ذهليـا
عليك يالمجمول يا خـدر الاعيـان=سميت حالي ليـن جسمـي نحليـا
والحب مثل النوم والنـوم سلطـان=والله بلانـي فـي محبتـك بلـيـا
وجاني الربيع وربعت كل الاوطـان=وانـا معاليـك الضمايـر محلـيـا
وطال الرجا واللي مضى تقل ما كان=واللـي بنينـا لغدّنـا مـا كملـيـا
لاشك خبرني عسى ما أنت خسران=او شايـف اللـي بالطويلـه تعليـا
وأن كان حدوك المقـرد وعـدوان=ماني لا ابا زيـدٍ ولا انتـي بعليـا

جزا صالح يسند على بدر الحويفي

يابدر يامشكاي هب الهـوا غـرب=وهبّت علينا مع غيـاب الغروبـي
هيفيةٍ يامسنـدي تقلـع السـرب=صلفٍ هواها واستشـاط الهبوبـي
وتصفق عليّه يابدر ناعـم التـرب=وعلي تصفق من شمال وجنوبـي
والمعجزات العشر ماعنّهن هـرب=ولام طريقٍ لـو بغيـت الهروبـي
ولو كان ليّه مع نسم عجهن درب=لابد مامشي مع هواء النود دوبـي
هذا صحيح وكـل شـيٍ مجـرب=ولا من مفرٍ والبشر لـه اعيوبـي
وانا اتحملهن على العسر والكـرب=وراع الادب لازم صبـورٍ وادوبـي
ومواقفـي يـوم المثايـل تعاقـب=كلٍ سمعني فـي طرايـف لعوبـي
لاكن يجينا هـرج نـاسٍ تهـرب=هـرجٍ هلـه ياسبقهـم للهروبـي
هرجٍ جديـد وبالضمايـر تشـرب=لين استشمت ضربةٍ في اجنوبـي
حكين وتفسيـره علينـا تضـارب=وموجهٍ يابـدر صوبـك وصوبـي
والهرج يوم انـه علينـا تسـرب=كـلٍ بعرفـه دون حقـه ينوبـي
وانا عصايه راسها من عصا حرب=واعد نفسي من شبـاب الحروبـي
واللي علينـا يالحويفـي تعرقـب=لا يرمي الصيـده ولاسـد نوبـي
لاشك بعض العوج مالقي لها طب=ولا تنحمل وانا الضمير امعطوبـي
ولا بد راس الحيف مايسطح الغرب=ليا تلته بارشاه خطـو القصوبـي
غير السباع اللـي علينـا تقانـب=اللي تقانب في طـوال الهضوبـي
وانته وانا يابدر في راس مرقـب=وانا معك وانته صعيـب الدروبـي
وش راي راسك يالشجاع المجرب=في بعض هرج مثل وصف الذهوبي
انا افتح الموضـوع والا اتجنـب=وش راي فكرك يا الأديب اللعوبـي
وكان انت تامرني نشب الخبر شب=وانا على بـدع المثايـل طروبـي
حنا نصب القاف من روسنا صـب=من شان راع الهرج عنـا يتوبـي
وانا بري وانـت للقـاف تطـرب=حيث انت تفهم في معاني اسلوبي
والشك والتهمه على لاحس الـرب=وربه على روس الشوارب يذوبـي
وان كان بعض الناس قام يتقلـب=يابدر عرفي فيك حـل الصعوبـي
وانته حكيم وراس شلفـاك تلهـب=وراع الطنا منك يشـق الجيوبـي
يالحر يالقطاع يالذيـب الاشهـب=ياللي على خصمك تطق الكعوبـي
وكان المدارى يابدر فيـه مقضـب=القلب من كثـر المـدارى يهوبـي
واليوم كان انت تجنبـت الاجـرب=كثرت علينا الجرب من كل صوبي
وهذا وتسلم والسلامه مـن الـرب=وعسا تسلم من جميـع الذنوبـي